歡迎聯絡試用或出席活動事宜!
Email: michelle02532@gmail.com
2015年9月13日星期日
泰國東北風味@Soi18泰國餐廳
有一個識食既朋友真係好，今次朋友帶我到銅鑼灣Soi18泰國餐廳食泰國菜！呢間餐廳原來由亞洲小姐冠軍張家瑩小姐經營，主廚更是自來自泰國東北部益梭通府的AU師傅，聽到咁係未已經好感興趣呢？
Soi18泰國餐廳位於銅鑼灣世貿中心,從港鐵銅鑼灣站 D4 出口，步行5分鐘便到，交通非常方便。
整個Soi18之餐具及裝飾品都係泰國製造，就算身處於香港，依然能感受其泰國東北風味。
餐前小食:18巷拼盤($188)
魚餅、蝦餅、蟹餅、素春卷、豬頸肉，每樣各兩件。其中我覺得蝦餅最為好食，蝦餅裏混合粟米粒，再經油炸，爽脆香口。
新菜式:泰北古式香葉包($88)
別少看它，用一個杯仔裝住靚靚咁，內裏原來包含多種材料:萬甘葉，虾肉，虾米，虾膏，焗椰，腰果碎，薑粒，乾葱粒，红，綠辣椒仔，青檸粒，椰糖。而且最重要係其中的綠辣椒仔更係辣中辣，好在我挑走左。
另一新菜式:18巷鮑魚沙律($158)
份量大足，鮑魚仔亦都份量十足！另外配合沙葛，鮮甜爽口。
廚師推介:泰式燉花膠($398)
大大煲，可以4-6人分食，材料包含冬菇，蟹肉，花膠，銀芽。冬菇雖小，但其菇味香濃。花膠更唔係其他酒樓的燉花膠般難入口，切得大小適中，而且又滑。
另一廚師推介菜式:香草粉絲焗蟹煲($388)
一打開蟹蓋，就發現內藏好多蟹膏，蟹膏又黃又香，不過淨食會比較滯，將蟹膏與粉絲混合食比較好。焗既時候，蟹膏味已經滲透至粉絲內，所以粉絲已經滿佈蟹味，蟹味濃郁。
食泰國菜又少得香香甜甜既泰式甜品呢？我地點了兩款，其中一款為泰式椰汁西米糕($58)
一講泰國就會諗起椰子，椰香味甚濃既西米糕真係必食之選！西米粒軟熟，並無硬身未煮熟既狀況，而且配合椰汁一齊蒸，又滑又香濃。
另一款以椰汁為主的甜品:泰式千層糕($58)
香港人最為熟悉及常整既甜品，原本以為没什麼特別，原來綠色那層為斑蘭味，斑蘭與椰汁配搭，兩種味道不停轉變。而且新鮮剛出爐，千層糕柔軟彈牙，香味十足。
為配合唔能夠食辣既朋友仔，餐廳更在menu上標籤辣度指數，大家可以以此為標準。每碟都份量十足，最適合一班人去，大家一齊開心食，開心分享！
More Me:
-
又到左死亡 3 月， mid-term test 再加無限 project ，晚晩唔係捱夜就係捱夜，又冇時間敷面膜急救，想唔殘都難 … 面黃不再話下，仲要爆瘡，出油缺水 … 但要保持良好肌膚，無論幾忙都要敷個面膜急救肌膚，之前收到蝸牛生物纖維面膜同蝸牛原液，絕對係急救... -
近排撥多咗時間喺度睇直播，發覺直播間入面嘅美顏相機功效越嚟越厲害！要美白有美白，要大眼有大眼，要V面有V面！鏡頭下個個都係美女，睇到我都好心動，但假嘅始終唔可以當真… 自問黑底同矇豬眼嘅我想變美白同大眼有難度，但係想要V面就可以挑戰下，所以就去咗Beaustyle體驗整全小... -
同朋友喺屯門行完街之後，就去咗附近嘅一間餐廳食嘢！留民料理，個名幾特別，店鋪外仲寫住fusion無國界料理，幾吸引！店內環境有啲似酒吧，店內亦有售賣手工啤及日本清酒。入面仲有部電視播放住店長嘅心路歷程，睇完就會知點解店舖名叫留民料理。