2015年5月27日星期三

三木日本料理

之前同朋友出尖沙咀行街,同朋友行街唔想煩諗食咩,最好既選擇就當然係食放題啦。最後我地揀左尖沙咀站附近既三木日本料理,交通方便,食完就可以搭車走。

三木日本料理的相片 - 尖沙咀



當日雖然係星期日,夜晚大約八點半,不過都唔需要等好耐就有位。入面環境比較昏暗,不過可以接受。

三木日本料理的相片 - 尖沙咀
有A-N既食品點紙以供選擇,另有特上刺身孖寶(HKD38/份)。其他包括:刺身,壽司,軍艦、火灸壽司,手卷,反卷,日式沙律,串燒、日式小食,鐵板燒,天婦羅/炸物,一品料理/湯品、丼/烏冬、甜品、飲品。
因為部份食品即叫即做,上菜速度不算快,一開始需要點時間等待。

日式蟹粥 - 尖沙咀的三木日本料理
日式蟹粥
一開始我地每人一碗日式蟹粥,蟹味甚濃,好味道。不過粥既米量較少,水多,搞到好似蟹湯。
刺身 - 尖沙咀的三木日本料理
刺身
之後就到刺身啦~雖然兩個人,但都叫左滿滿既一碗!我不太懂刺身,不過友人覺得頗新鮮,最後仲加單叫多d。
火灸壽司 - 尖沙咀的三木日本料理
火灸壽司
我們只點了火灸壽司,推介火灸海鰻壽司,鰻魚汁同鰻魚配合得好好味。但係鰻魚汁放落其他火灸壽司稍為有點甜。

串燒 - 尖沙咀的三木日本料理
串燒 - 必食:有機菠蘿燒,日本糖芯蕃薯串
串燒 - 尖沙咀的三木日本料理
串燒 - 香辣雞肉串,野味!
串燒:有機菠蘿燒和日本糖芯蕃薯串真係必食,兩個都好好味!即使同樣係燒,仍然保留水份,仲好甜。香辣雞肉串都可以嘗試下,少少辣,幾野味!

炸物 - 尖沙咀的三木日本料理
炸物
炸物:可以嘗試下自家制墨魚餅同日式香蕉年糕,幾特別,唔係度度有得食。芝士年糕又係必叫食品,外脆內軟。暖暖地既時候食,入面既芝士仲會拉得出絲。

鰻魚雙壓壽司 - 尖沙咀的三木日本料理
鰻魚雙壓壽司
一開始我地諗左好耐咩叫雙壓壽司,所以叫左兩件鰻魚雙壓壽司試下。雙壓壽司比起普通壽司細件,飯比較實,呈長方形,幾得意。

甜品 - 尖沙咀的三木日本料理
甜品
最後甜品,我地叫左柚子雪糕同紫薯雪糕。紫薯雪糕有濃濃的紫薯味,朋友話一開始還好,食得多就無咁好味。而我點既柚子雪糕比較有驚喜,除左比較似雪芭,陣陣冰涼。仲有柚子肉係入面,唔會太酸,可以一試!

食飽之後仲坐左陣先走人!服務員態度良好,當我地有吉碟吉杯既時候,好快幫我地收走同添茶。不過廁所有點不太乾淨,第一次去既時候,地下好多紙巾。第二次再去既時候就無咁污濁,應該有人清理過。價錢尚可,食物選擇範圍多,交通方便,多人又或者諗唔到食咩既時候可以去嘗試下!

文章亦可於OPENRICE觀看~

歡迎聯絡試用或出席活動事宜!
Email: michelle02532@gmail.com

MORE ME: 

2015年5月22日星期五

指尖順滑感100 @ 日本ICHIKAMI予防補修美髮系列

早前收到日本美髮品牌ICHIKAMI的洗頭水,大家或許知道這個品牌,或許不知道,不過只要大家見到以下圖片就會有印象:美髮之幸福度100

「一髮.二姿」(日譯:Ichikami nisugata)這句日本古老諺語,意思就是完美容顏基於漂亮秀髮,亦是「ICHIKAMI.一髮」品牌名字的由來。

而ICHIKAMI予防補修美髮系列,針對不同髮質的需要,推出「雙重保濕」及「柔韌順滑」,當中含有「純•和草」成分,照顧每一根髮絲,逹到從指尖也感受到的順滑感。而且能有效予防日常3大侵害: 自來水中重金屬,細菌,頭髮互相磨擦。


我頭髮雖長,但係細個個時好少打理頭髮。而且原本就屬乾性,髮尾乾旱易打結,尤其電髮後更為嚴重。

五指梳一梳梳到尾髮絲躍動輕飄飄係我最難實現既夢想髮質。所以收到ICHIKAMI既洗頭水時,真係好想即刻體驗廣告中指尖順滑既感覺。而我選擇了柔韌順滑美髮系列,能有效補修因造型,電髮等引起的糾結問題。

柔韌順滑洗髮露(HKD118/530ml),萬寧有售
•添加紅米精華,指尖滑順感再升級,讓髮絲持續健康柔韌有彈性。添加毛鱗柔順配方,預防摩擦,讓秀髮不易糾結。
•含黑米發酵α、紅豆精華、櫻花萃取精華、樁精華、鳶尾天然和草成分,不含矽靈,溫和潔淨頭皮、修補滋潤受損髮絲,讓髮絲持續健康柔韌有彈性。
•清新自然的溫柔高雅山櫻花香,香氣更持久。

洗髮露呈微黃乳白色,散發淡淡的櫻花香,並唔濃烈,不過咁樣反而顯得天然。加水起泡後,輕輕按摩頭皮,用溫水沖洗便可。

柔韌順滑護髮素(HKD118/530g),萬寧有售
與洗髮露成分有少許不同,護髮素含黑米發酵α、樁精華、櫻花萃取精華、樁精華、鳶尾天然和草成分。

護髮素呈淡黃乳霜,同樣散發著淡淡的櫻花香。將適量護髮素塗於濕髮上,從髮尾開始往上,用溫水沖洗便可。

値得一讚係香味持久!洗完頭到第二日夜晚,頭髮都散發櫻花香氣,連同事都問我用緊咩洗頭水。雖然仲未去到夢想既髮質,不過打結情況改善左,一梳梳到尾唔再係電視中先可以發生既事啦!指尖順滑100,我都可以感受到~

(另有雙重保濕美髮系列,加入杏桃油及山茶花精華,防止因乾燥而造成分岔等受損問題。)
*產品及有關資料由DB Beauty提供
ICHIKAMI Website: www.ichikami.hk (HongKong)
                               www.ichikami.jp (Japen)
ICHIKAMI Facebook : www.facebook.com/Ichikamihk


免責聲明:本文章所發表的全部內容均屬個人意見及感受,並不代表該品牌之言論及立場。
如需協助或希望獲得更多有關產品資訊請直接聯絡該品牌查詢或尋求相關專業意見。


歡迎聯絡試用或出席活動事宜!
Email: michelle02532@gmail.com

MORE ME: 

2015年5月19日星期二

旭茉JESSICA x美肌の誌 戰豆去印精華素分享會

早前與其他友人一齊出席「旭茉JESSICA x美肌の誌 戰豆去印精華素分享會」,除左有產品介紹,仲有手機殼乾花裝飾DIY活動,當然仲有靚靚既茶點啦~

活動於旺角帝京酒店帝皇廳舉行,全場以薫衣草及太陽花做裝飾,符合哂今次所介紹既產品-植物修復系既戰豆去印精華素。


由主持人港台DJ超B(洪崎峻),美肌の誌品牌代言人Jancy Wong和著名化妝師Ricky Kazaf, 齊齊分享抗豆護膚心得,仲有豆豆既成因~


戰豆去印精華素,3重連環,先擊退,後修復,再去印。蘊含茶樹精油,薫衣草萃取水,葵花油,鳶尾花萃取液,白柳樹皮萃取液,維他命B5。有效清潔毛孔,消滅豆豆,鎮靜舒緩,平衡水油,幫助淡印。



精華素呈透明gel狀,淡淡茶樹味,乾爽易推。因為gel狀無油份,容易吸收,而且仲有少許冰涼感覺。因為只需重點塗於面部豆豆處,所以只需少量就足夠。雖然細細支,應該可以用好耐。


同場加映:升級版經典面膜,比以往增加一倍玻尿酸,內外持續保水,更有效提升肌膚彈力,滋潤肌膚。因為面膜上既精華太多,Ricky仲教我地可以用係身上。

不過最開心都係手機殼乾花裝飾DIY,第一次既嘗試,自我感覺良好。可惜因為時間關係,手機殼仲未乾透就需要走人,中途係咁比人撞,可想而知,乾花全部移位了……


活動結束後,當然要大合照一張啦~每個人都拎住太陽花上台影相。場面好搞笑,因為前面有好多相機對住我地。


再次感謝美肌の誌送出豐富的產品比我返去試用,實行戰豆去印,never again。
感謝JESSICA活動,令我識多左朋友,同朋友一齊去玩~


美肌之誌戰豆去印精華素分享會花絮 : https://www.youtube.com/watch?v=uCf4L7JaaBw

免責聲明:本文章所發表的全部內容均屬個人意見及感受,並不代表該品牌之言論及立場。
如需協助或希望獲得更多有關產品資訊請直接聯絡該品牌查詢或尋求相關專業意見。


歡迎聯絡試用或出席活動事宜!
Email: michelle02532@gmail.com

MORE ME: 

2015年5月15日星期五

妝前保濕@BEVY C.光透幻白皇牌妝前保濕套裝

相信大家都聽過台灣品牌BEVY C.,我最愛佢地品牌故事中的一句話: BEVY C.載著所有愛美女孩們的夢想,孕育而生。我就是愛美的女孩,所以我對BEVY C.的產品真係好感興趣。今次U Beauty X BEVY C.比我試用光透幻白皇牌妝前保濕經典套裝,真係開心到彈起!

今次試用包括兩支新升級配方:光透幻白妝前保濕精華(15ml)乙支及光透幻白妝前保濕眼唇精華 (15ml) 乙支




光透幻白妝前保濕眼唇精華  (HKD 180/15ml)
成份:
黑鑽墨藻萃取精華,水解膠原蛋白,牛蒡萃取
功效:
-促進唇部老廢角質代謝,提供所需水份和養份
-加強眼,唇周圍肌膚長效潤澤,平滑緊實,改善乾燥細紋



光透幻白妝前保濕眼唇精華呈微黃,按壓式用於化妝水後。另外,亦可每週用化妝棉濕敷眼唇上,作眼/唇膜用!只需1泵就可塗勻眼部唇部,將適量精華用指腹(我多數用第4隻手指)後眼頭往眼尾方向,而唇部以畫圓方式塗抹。



光透幻白妝前保濕精華  (HKD180/15ml,HKD320/35ml)
成份:
神經醯胺、深海植物活性素、枯葉桿菌酵素
功效:
- 蘊含智慧型大中小三種玻尿酸分子深入肌底,有效保濕鎖水,提升肌膚的潤澤明亮感
- 平衡油脂,清爽零油光,控油度高,令妝容持久貼服





光透幻白妝前保濕精華呈透明,按壓式用於眼唇精華後。只需1泵就可塗勻全面。(若果乾性肌膚可用2泵)另外,可混合粉底使用。



用後感:無論眼唇精華定保濕精華,兩者都好快就吸收晒,清爽唔粘膩,保濕度強~而且只需要少量就可以塗勻全面。保濕精華加入粉底混合後更加易推,而且並無浮粉現象。以往鼻側兩旁,唇部周圍總會有浮粉現象,使用精華後妝容貼服,而且控油度比以往好。特愛眼唇精華,因為眼部唇部肌膚比其他部位更易老化乾燥,而呢支眼唇精華可以做到保濕之餘,仲可以改善細紋狀況,真係好正!

BEVY C. Website: http://www.bevyc.com/
BEVY C. Hong Kong Facebook: https://www.facebook.com/BEVYC.HongKong

*受邀於Beauty.Ulifestyle.com.hk  BEVY C.試用此產品

免責聲明:本文章所發表的全部內容均屬個人意見及感受,並不代表該品牌之言論及立場。
如需協助或希望獲得更多有關產品資訊請直接聯絡該品牌查詢或尋求相關專業意見。


歡迎聯絡試用或出席活動事宜!
Email: michelle02532@gmail.com

MORE ME: 

急救痘痘@INFYNYTI草本抗痘低敏修復液

 【臉部護理】 終於可以除口罩見人啦,不過同時間我啲暗瘡都要見人啦…早前我就試用咗INFYNYTI草本抗痘低敏修復液,用佢急救真係好有效!