歡迎聯絡試用或出席活動事宜!
Email: michelle02532@gmail.com
2015年9月26日星期六
滾多幾滾@ 滾兩滾火鍋料理
無論熱定凍，打邊爐既心都不退。早前同朋友相約於荃灣滾兩滾火鍋料理打邊爐，有點意外收獲哦~
滾兩滾火鍋料理位於荃灣曹公坊11號德仁樓地下，荃灣球場附近，如果唔熟識荃灣可能比較難搵。
店內燈火明亮，有好多模型公仔，詢問之下，原來好多模型都由老闆朋友慶賀而送，而店舖成為收集既地方。
因為我唔食牛，所以叫左個鴛鴦煲，湯底為豆腐清湯拼芫茜皮蛋湯。
另外更提供多種配料及調味料作調味
打邊爐之前先點了餐前小食，海蜇手撕雞($48)，芝麻味香濃，開胃之選。
點了招牌黑松露餃($78)，內含黑松露及豬肉，值得一提係粉皮柔軟但並不容易糊，而且肉味越食越濃。
店鋪推介其中之一:手打墨魚滑($68)，一開始就期待，好在亦都無失望。除左吸收了湯底味道，更有自身墨魚香，而且好滑。份量更是十足，比我拳頭還要大。
超級推介:招牌即炸響鈴($38)
大多店舖會選用已炸好的響鈴，滾兩滾則即點即炸。可以兩食，可以如平常的放進火鍋後食，另一食法為點酸辣醬淨食。對於從未食過後者的我，覺得好新鮮。而且響鈴內裏依然暖和，配合酸辣醬，爽脆香口。
極上海鮮拼盤(大:$288,小:$198)
海鮮拼盤材料每日不同，今次既材料包括有鮑魚，海蝦串，象拔蚌刺身及即劏活魚刺身。店員同我地講魚同象拔蚌可以生熟兩食。但我地發現生食魚片會連根帶絲，比較難斷開，熟食的話反而能突出魚香及滑不留口，建議熟食較好。剩下的魚身可以選擇椒鹽或當火湯材料之一。
另一推介必點:自製竹蔗水，十分足料，每日由店員親自製作，而且每日只售賣十渣，真係手快有手慢無。
食後立即與其他朋友相約再去食，比平時火煱料理更有味道，更有特色~
More Me:
-
又到左死亡 3 月， mid-term test 再加無限 project ，晚晩唔係捱夜就係捱夜，又冇時間敷面膜急救，想唔殘都難 … 面黃不再話下，仲要爆瘡，出油缺水 … 但要保持良好肌膚，無論幾忙都要敷個面膜急救肌膚，之前收到蝸牛生物纖維面膜同蝸牛原液，絕對係急救... -
近排撥多咗時間喺度睇直播，發覺直播間入面嘅美顏相機功效越嚟越厲害！要美白有美白，要大眼有大眼，要V面有V面！鏡頭下個個都係美女，睇到我都好心動，但假嘅始終唔可以當真… 自問黑底同矇豬眼嘅我想變美白同大眼有難度，但係想要V面就可以挑戰下，所以就去咗Beaustyle體驗整全小... -
同朋友喺屯門行完街之後，就去咗附近嘅一間餐廳食嘢！留民料理，個名幾特別，店鋪外仲寫住fusion無國界料理，幾吸引！店內環境有啲似酒吧，店內亦有售賣手工啤及日本清酒。入面仲有部電視播放住店長嘅心路歷程，睇完就會知點解店舖名叫留民料理。