2015年6月9日星期二

番本星級日式放題

早前跟友人到旺角行街,睇戲,當然仲有食飯啦!我地決定去我食過幾次既番本星級日式放題到大食一餐!
番本係地鐵站附近,三樓。因為個日星期日,所以好多人,就算我地book左都要等一陣先可以入去。

今次我地加左錢食埋星級體驗,另外有A至M既野食紙:前菜,刺身,壽司,手卷,卷物,料理,燒烤,湯物,天婦羅,炸物,麵食,甜品,飲品。好多選擇呢~
第一時間就叫左星級體驗入面既日式蟹粥,不過要注意既係份量為"窩",而唔係"碗"。一窩蟹粥足夠三人份量,但友人並愛吃,所以一整窩蟹粥差不多都係我食。蟹味並不算濃郁,但清淡既蟹粥作為開胃前菜的確適合。
XO醬炒魷魚鬚:炒烏東既味道,但係烏東轉左魷魚鬚,稍為有點太'un'。
刺身:我地將星級既刺身與普通既刺身放在一起,有星級既皇牌特大日本赤蝦刺身和新鮮北海道帶子刺身。赤蝦與普通原隻甜蝦刺身没什麼分別,只在於大小。而帶子頗鮮甜,其他刺身一般。
人參雞湯:我最鍾意飲湯,所以每次至番本都必飲既湯,推介!
壽司:今次壽司d飯壓得不太實,一夾就散,而且味道有點退步了。除了海鰻芝士卷還好,其他一般。
燒波蘿稍為有點燒得不夠多,不過鮮甜多汁,而且去皮,可以整塊吃。而魷魚一夜干好吃不過都係太'un',原本想一分為二兩份吃的。
炸物:友人超級推介紫心香芋圓,又甜又香。其他炸物都好吃,雖然選擇不多,不過所有都好味。
甜品:有雪糕雪米磁,我最愛等它軟一點才吃,鍾意食一定要叫多幾粒!不過鮮芒果布甸有點像布甸粉開出來,不太好吃。
服務員態度良好,不過可能多人多枱凳,位置有點逼。上菜速度快,食品都新鮮。價錢適中,食物選擇多,不過覺得好像比以前退步了。

歡迎聯絡試用或出席活動事宜!
Email: michelle02532@gmail.com

MORE ME: 

激活肌底防禦@Shiseido全新升級版 ULTIMUNE Power Infusing Concentrate

仲記得上年參與了 SHISEIDO ULTIMUNE Power Infusing Concentrate 試用活動,進行為期7星期前後對比既皮膚免疫力測試~ 結果令人相當滿意,無論面部定眼部既水份量及彈性都有大幅度的上升。而且仲提升後續所使用嘅護膚品嘅能力值,令皮膚更吸收! ...