2016年11月18日星期五

食刺身唔一定要去日本嫁@壽司之神

曾經聽友人講過日本人其實並唔係好鍾意食剌身，所以要食靚刺身需要識捐窿捐罅！不過原來唔需要去日本嫁，今次就喺元朗既壽司之神食到頂級靚壽司啦～
壽司之神位於元朗馬田路安寧大廈20-30B七號地舖，不過都幾入嫁。
除左普通枱之外，仲有得坐刺身吧台，可以坐係度望住廚師切魚生，又可以即刻嚐鮮。
如果坐吧枱，佢會擺個刺身版係吧枱，上面有自家製配菜。鮮椎山既wasabi味好通鼻，但又唔會太勁，我唔食wasabi既都食到。另外仲有蒜蓉頭，覺得似係以豆板醬醃製，無左以往食蒜蓉頭嘅辛辣感。
前菜有溫室蕃茄拼宮城縣粟米，先吃蕃茄再吃粟米 。此溫室蕃茄肉身中間是綠色的，而蕃茄上淋上了沙律汁，幾得意。日本超甜粟米，爽口香甜。
響螺刺身，另外再配一片青檸，食之前係青檸片上打圈，令響螺添加一點檸味外，鮮味亦有所提升。
左口魚薄切至通透，左口魚原本味道較淡，所以配上芽蔥再加少許酸汁後味道才較突出。
深海池魚腩刺身 ，既使切切厚身亦比較爽口。
關魚刺身，添上醬汁後更濃味。
白蝦壽司，壽司上有紫蘇花，令淡味的白蝦帶有一點花香。
伊佐木壽司，配上薑花冧，有小小辣。
藍鯨吞拿魚腩壽司，好似入口即溶咁，連埋白飯一齊食，連白飯都一齊溶埋。
秋刀魚壽司，秋刀魚為剛剛成熟期，未到最肥既時期，別有一種秋刀魚新鮮肥美味道。
三文魚子壽司，壽司上一粒粒橙紅的三文魚子，原來係自家挑選最彈牙且無添加的三文魚子，可以係張枱上好似乒乓波咁彈下彈下。
玉子燒是即場燒製的，所以拿出來的時候還是暖和，不會太甜。我說愛吃玉子燒時，師父還跟我們討論烹調玉子燒時要注意的事項。
海膽壽司，海膽來自北海道集根，橙橙黃黃嘅海膽鮮味十足，比平常吃的更足味。
吞拿魚醬油漬壽司，望住師傅一早已經切好吞拿魚，然後用醬油浸住。如果食過就會知道此吞拿魚比街外食嘅更加新鮮，因為冇根，而且柔軟。
鹽燒香魚，雖然用鹽燒方法烹調但不會過鹹。 不過魚骨偏細，若果不愛或不懂吃魚骨的人要小心。
雜錦天婦羅，有虎蝦，南瓜，蕃薯，菇類及面，天婦羅皮薄身，且因剛剛炸起的原因，熱乎乎，脆卜卜。
一睇就知白雪雪嘅就係魚湯，魚味及林料十足， 食完壽司後飲一碗湯，即刻暖胃。
最後當然仲有甜品啦，我挑選咗蕃薯味雪糕，蘊含蕃薯肉，蕃薯大愛。 
雖然價錢比較昂貴，但勝在正宗，且刺身鮮味十足。壽司的白飯可以完全被刺身覆蓋，不會以白飯混吃，閒時食一餐也是可以的！
歡迎聯絡試用或出席活動事宜!
Email: michelle02532@gmail.com
More Me:
於
標籤： , , , , , , , ,

急救痘痘@INFYNYTI草本抗痘低敏修復液

 【臉部護理】 終於可以除口罩見人啦，不過同時間我啲暗瘡都要見人啦…早前我就試用咗INFYNYTI草本抗痘低敏修復液，用佢急救真係好有效！

  • DermaElements蝸牛生物纖維面膜急救保水 擊退壓力肌
    又到左死亡 3 月， mid-term test 再加無限 project ，晚晩唔係捱夜就係捱夜，又冇時間敷面膜急救，想唔殘都難 … 面黃不再話下，仲要爆瘡，出油缺水 … 但要保持良好肌膚，無論幾忙都要敷個面膜急救肌膚，之前收到蝸牛生物纖維面膜同蝸牛原液，絕對係急救...
  • 整全小顏淋巴排酸療程@Beaustyle
    近排撥多咗時間喺度睇直播，發覺直播間入面嘅美顏相機功效越嚟越厲害！要美白有美白，要大眼有大眼，要V面有V面！鏡頭下個個都係美女，睇到我都好心動，但假嘅始終唔可以當真… 自問黑底同矇豬眼嘅我想變美白同大眼有難度，但係想要V面就可以挑戰下，所以就去咗Beaustyle體驗整全小...
  • 吃貨專區-留民料理
     同朋友喺屯門行完街之後，就去咗附近嘅一間餐廳食嘢！留民料理，個名幾特別，店鋪外仲寫住fusion無國界料理，幾吸引！店內環境有啲似酒吧，店內亦有售賣手工啤及日本清酒。入面仲有部電視播放住店長嘅心路歷程，睇完就會知點解店舖名叫留民料理。