2016年2月3日星期三

串串樂@Grill ขุนทอง

早前有電視節目曾推介蘭桂芳一串燒燒烤店一Grill ขุนทอง,咁岩當天到中環辦事,當然要去嘗試下~
Grill ขุนทอง,於中環港鐵站D2出口,沿著蘭桂芳一直上就會見到黑暗中的那團火。

主要做外賣生意,若然要堂食的話也只能站立在店舖右邊的空間,站立人數也只限2-3人。
而店舖既另一邊則為燒烤地方,可以由外觀賞。
Order食物時,店員會先問你食唔食得辣,以配搭適合的醬汁。因為我唔食得辣及牛,店員幫我選擇了沙爹醬及泰式紅雞醬。
左邊兩串為雞肉($15/串),右邊為雞皮($25/串)。先說雞皮,之前吃過的燒雞皮是燒至脆身,然後食其香口。但Grill的燒雞皮卻像將肉汁燒進雞皮內,外脆內軟,不只香脆,更有口感。雞肉也是如此,不會乾身,入口時有濃濃的雞肉肉汁。
左邊兩串為豬肉($15/串),右邊為雞中翼($20/串)。雞中翼燒得好平均,除了雞翼表面有少許焦黑外,依然可以吃出內裏的嫩肉及肉汁。豬肉應該是配蜜汁一齊燒,同樣不會乾身,即使不點醬汁也可以吃。
左邊兩串為白豬肉腸($25/串),右邊兩串為豬頸肉($20/串)。白豬肉腸好juicy,即使以燒烤形式,肉腸表面亦不是很脆,但入口時肉汁四彈,推介之選。將一塊塊豬頸肉的串起,燒至表面脆身,再配上泰式醬,十分香口。
最後,點了白鱔($60/串),雖然是貴了一點,但其燒至煙煙韌韌的魚皮,加上肉質飽滿既魚肉,值得一試!
基本上所有串燒都燒得好juicy,並唔會乾身得個焦香味,值得一讚!不過我覺得有少少唔環保,因為我都叫左好幾串,但佢幾串一袋,總共比左四個袋我……雖然做外賣生意,希望可以有更好方法改善問題~

歡迎聯絡試用或出席活動事宜!
Email: michelle02532@gmail.com

More Me:

急救痘痘@INFYNYTI草本抗痘低敏修復液

 【臉部護理】 終於可以除口罩見人啦,不過同時間我啲暗瘡都要見人啦…早前我就試用咗INFYNYTI草本抗痘低敏修復液,用佢急救真係好有效!