歡迎聯絡試用或出席活動事宜!
Email: michelle02532@gmail.com
2016年10月18日星期二
火山石火山燒@火山燒
全城變身寵物小精靈訓練員，我都無執輸，去左銅鑼灣捉精靈。捉到肚仔餓，去左食任燒任食既火山燒
火山燒位於銅鑼灣駱克道459-561號 The L. Square 9-10樓，於港鐵銅鑼灣站 C 出口, 步行約5～8分鐘。
呢度最特別就係燒食物用既燒爐，用高溫火山石去溫熱食物，無咁易燒燶食物！不過實在太趕時間去捉精靈，所以要求廚房幫我地燒。
海鮮粉絲火鍋，有帶子、蜆、青口、蟹柳、魷魚、粉絲、蘿蔔、生菜等。 細細個鍋但材料好豐富，而且粉絲吸滿鍋內的湯汁，鮮味濃郁。
一大堆一大堆既串燒，燒肉，水產，野菜！大胃王瘋狂出動了～
豚肉韮菜餃子幾好食， 雖然唔係薄皮，但係內有滿滿的豚肉同肉汁。章魚小丸子就有點失望了，好厚粉不特止，章魚都失踨了…
唔只串燒，仲有一片片既燒肉。可能真的因爲使用火山石傳熱關係，燒肉完全無燶邊情況之外，肉汁更鎖在肉內。
唔只燒肉，仲有燒海鮮！燒生蠔還滿新鮮的，雖然細細隻，但燒過後蠔味更為突出。
燒春雞！！表面燒至金黃，肉質鮮嫩，而且添加了香草，芳香味濃。
食咁多燒物當然會口渴啦，每位加$20就可以任飲飲品啦～不過啤酒另計，每罐$30！
More Me:
BeautyExp
-
又到左死亡 3 月， mid-term test 再加無限 project ，晚晩唔係捱夜就係捱夜，又冇時間敷面膜急救，想唔殘都難 … 面黃不再話下，仲要爆瘡，出油缺水 … 但要保持良好肌膚，無論幾忙都要敷個面膜急救肌膚，之前收到蝸牛生物纖維面膜同蝸牛原液，絕對係急救... -
近排撥多咗時間喺度睇直播，發覺直播間入面嘅美顏相機功效越嚟越厲害！要美白有美白，要大眼有大眼，要V面有V面！鏡頭下個個都係美女，睇到我都好心動，但假嘅始終唔可以當真… 自問黑底同矇豬眼嘅我想變美白同大眼有難度，但係想要V面就可以挑戰下，所以就去咗Beaustyle體驗整全小... -
同朋友喺屯門行完街之後，就去咗附近嘅一間餐廳食嘢！留民料理，個名幾特別，店鋪外仲寫住fusion無國界料理，幾吸引！店內環境有啲似酒吧，店內亦有售賣手工啤及日本清酒。入面仲有部電視播放住店長嘅心路歷程，睇完就會知點解店舖名叫留民料理。