2016年3月6日星期日

小巷印度美食@ Rang Mahal Authentic Indian Cuisine 傳統印度菜

成日都見到印度咖喱,但係最傳統最正宗既印度菜就一次都未食過…朋友介紹下,知道中環有一間傳統印度菜,心動不如行動,即刻去左尋找美食。
Rang Mahal Authentic Indian Cuisine位於中環皇后大道中118號2樓,因為係小巷內,經過左幾次都唔知,最後見到大道中118流尚舖既牌面先至搵到。

充滿印度風味的裝潢,而且甫進餐廳一刻就聞到印度咖喱味道,店內更一直播放印度歌,印度風情十足。多是外國人進食,餐牌亦以英文為主,侍應亦係印度人,需要以英文溝通。
送上一客胡椒薄餅作餐前小食,另外更附上三種醬汁作調味。胡椒薄餅的黑椒味重,又薄又脆,單吃也可。
點了開胃小食薯蓉咖哩角Samosa[4pcs]($38),外形像新年的炸角仔,但使用了正宗印度咖喱,所以帶辣。中間的醬汁有點像青瓜味,為薯蓉添加蔬果的鮮味。
黎到又點可以唔食咖喱呢?印式椰汁咖哩跟蝦球Rang Mahal Singature Curries Goan cookedwith prawn ($98)雖然因為怕辣所以先點含有椰汁既咖喱,但原來呢個係甜咖喱。橙橙黃黃,有點像南瓜味。蝦球大大粒,但蝦肉則比較實。
有咖喱,又可以無烤餅 Naan($20)呢?軟軟的烤餅,沾點咖喱吃,一流!
另外還點了洋蔥汁煮嫩羊肉 Lamb Dopiaza ($98),以Double洋蔥及紅咖喱烹調,以洋蔥圍邊帶辣,羊肉唔羶且嫩口,用作配飯一流!
餸菜辣辣地,當然要叫杯凍飲啦,嘗試了印度的乳酪特飲 Lassi ($38),芒果味乳酪,酸酸甜甜。不過乳酪較稠身,如果比粗身飲筒會更好吸吮。
對於從未食過道地印度菜的我,呢餐可真算是原汁原味的品嚐過了。不過唯一要講既就係,甫入餐廳時每餐桌都有一支礦泉水,因為友人不太食辣,所以好快就清左支水…然後,埋單時發現,一支礦泉水需付$20!!!OK,下次再食時,我會自備幾支礦泉水~~


歡迎聯絡試用或出席活動事宜!
Email: michelle02532@gmail.com

More Me:

白滑雙足@ Babyfoot 嫩白煥膚足膜

我估足膜呢個產品應該好多人都知道係咩啦,敷個足膜,就可以幫雙腳煥然一新! 其實我之前一直都好想了解下,今次終於有機會俾我親身試到啦!日本 Babyfoot 嫩白煥膚足膜,幫我回復白滑雙足! 日本 Babyfoot 嫩白煥膚足膜有分60分鐘同30分鐘既版本,60分鐘適合從...