2016年3月18日星期五

熱石香草蒸海鮮@8度餐廳

我覺得,放題的興起等於自助餐的衰落,真係好耐未食過自助餐啦,所以今次提議到8度海逸酒店既8度餐廳食自助餐,真係幾期待。
8度海逸酒店位於香港九龍土瓜灣九龍城道199號,並不在任何地鐵站附近,但巴士或小巴都會經過,落車後約5-10分鐘到,交通還算方便。
在酒店大堂等待友人時發現,原來自助餐會設有主題,每三個會轉一次。而是次的主題為"熱石香草蒸海鮮",限期到3月31日。一諗到海鮮,真係未出發先興奮!
自助食物區不大,但自助餐食品種類繁多,實在不能盡錄,惟有講下我的推介!首先,以即開生蠔作起點,有法國的 Fine De Claire 及美國的 Pacific Oyster。我較愛吃美國生蠔,蠔肉較大,海水味較淡,食幾隻都得~
生蠔既隔離係香煎鵝肝多士,另配黑松露汁作調味。即場煎煮,望到已經流口水~雖然將鵝肝切粒,但大粒兼厚身,入口即溶。真係必食之選!
然後,就到今次主題既熱石香草蒸海鮮,有法國布朗蟹蟹蓋,原隻扇貝,紐西蘭藍青口及大蝦等,以鹽作簡單調味。每次等開蓋就會吸引一條長長人龍出現,要早dd排隊。最重要係任食,並無限制你拎既次數,只要你食到就排隊啦~
特別講下蒸蟹蓋吧,其他自助餐也比較少有。蟹蓋己一早幫你拆除,主要食它的蟹膏,蟹膏幼滑鮮甜。不過可能加了太多鹽,有點咸,所以拎野食都好講彩數!其他的海鮮亦保留了原有的海鮮鮮味,再加上香草的蒸薫,真係隔住個木蓋都聞到!
繼續都係海鮮,唔好比佢停!黎到海鮮凍食區,仲有皇帝蟹腳,肉厚味鮮!提供專用剪刀,輕輕鬆鬆剪出蟹棒~
海鮮凍食區隔離有湯品提供,今次既中湯係猴頭菇湯,西湯則有羅宋湯。中湯與西湯比較,我更愛中湯,而且猴頭菇湯甜而濃郁,最後盛了兩大碗!
行到甜品區,要留意下有無芒果拿破崙,得獎甜品之一。芒果鮮甜,拿破崙比吃過的更脆口,中間的夾層吉士香滑,整個配合完美,不容錯過!
除了芒果拿破崙,還有北海度4.0牛奶卷,奶味香濃,奶油入口即溶。仲有多款甜品,若然心動,就唔好遲疑!因為,雖然會不停refill,但有可能refill其他甜品類,並不一樣。
食到咁上下要留定肚,因為仲有小食區!首先一定要必食燕窩芝士撻,現場焗製!望住燕窩芝士撻由淡黃焗至金黃,再加上燕窩,真係排遲一步又要再等過。熱食時,酥皮脆身而不油膩,芝士撻仍然保留半溶狀態。待冷卻後,芝士味比熱食時更濃郁。
小食區另外還有爆米花,豆腐花,仲有Häagen-Dazs雪糕,真係不得了!完全滿足我另一個胃~ 剛好快到復活節,8度餐廳會於3月25-28日推出復活節主題美食及精彩節目,如小丑表演,復活蛋彩繪比賽等,一家大小的同樂日。使用指定信用卡付款,或於網上eShop預購,可獲8折優惠~


歡迎聯絡試用或出席活動事宜!
Email: michelle02532@gmail.com

More Me:

急救痘痘@INFYNYTI草本抗痘低敏修復液

 【臉部護理】 終於可以除口罩見人啦,不過同時間我啲暗瘡都要見人啦…早前我就試用咗INFYNYTI草本抗痘低敏修復液,用佢急救真係好有效!