龍蟹混雜@秋田火鍋海鮮丼專門店

太耐無食海鮮，一食就要食重量級海鮮！！要知道灣仔其實有好多好野食，不過要識搵，今次就搵到呢間-秋田火鍋海鮮丼專門店。

秋田火鍋海漁丼專門店位於灣仔皇后大道東202號QRE Plaza 10樓，於港鐵灣仔站 B2 出口一路直行至QRE PLAZA

甫進店內，除左漁鮮吧台外，坐位多是卡位，以屏風作間隔。

點了二人前秋田料理長案內鍋物語(每位388) 原本我地點了扎幌直送時令原隻活毛蟹泡飯配純米牛乳蛋白湯底，不過因為佢哋唔夠毛蟹，所以另外畀我哋另外配原隻伊勢龍蝦，一次過食曬兩種 ！

純米牛乳蛋白湯底，一開始拎嚟嗰陣時面頭有一層蛋白面，然後當佢滾熟嘅時候會慢慢漲大變成一個雪山咁！不過其實湯底並冇咩味道，只有淡淡的豆味。 湯底滾起，自然就要落鍋物啦 ！首先，精選5款鮮漁市場及空降漁鮮， 由廚師親自挑選，到上枱嗰一刻先知道有乜嘢漁鮮！

第一盆：3款不同蜆類：鑽石蜆體績較細且表面較光滑，不過可能就係因為較細，味道亦較鮮味。右邊的為刀背蜆，肉質飽滿，好 juicy。左上角為馬背蜆，可能因為吐沙時間唔夠，所以食落口時有沙……

第二盆：海蝦及右口魚，海蝦肉質彈牙飽滿，真係見佢變色就可以拎返上嚟食啦！如果唔係佢啲蝦膏會爆出嚟！右口魚魚肉嫩滑， 雖然夾雜著魚骨，但係魚肉嫩滑度可說是“chu" 一聲就可吸入～

第三盆：溫室野菜拼盤，特別介紹係佢磚石腐仔～無錯！係豆腐仔，原粒掉落去約30秒就食得，豆味超濃～

另外再自選4款鍋物：千葉特產甜薯飼黑豚肉，每一片都超薄，所以好快熟～

銀鱈魚腩，魚腩肉質一向比較彈牙，所以嫰滑程度並無右口魚咁嫩！ 但係即使煲耐啲，魚肉亦都唔會老，而且腩肉中的肉汁更會逼出湯底。

日本博多華味雞件，同銀雪魚腩一樣，即使煲耐咗肉質亦都唔會老。不過如果真係煲耐咗只可以講雞件唔老，但係亦都唔算嫩口…

自家製蟹肉味噌餃子，味噌味道較重所以可能蓋過了蟹肉味， 而且比較容易黐底所以等待時需要攪拌。

最後終於到返我哋嘅重點出場喇：原隻活伊勢龍蝦！員工協助我哋嗰陣時同我哋講，將肉身向面貝殼向底，咁樣可以令到龍蝦肉同殼分離而且肉汁依然可以鎖於龍蝦肉內。

食完龍蝦就到毛蟹啦！毛蟹叫栗毛蟹，比起平常食嘅毛蟹蟹腳較長及幼身，但卻比較甜～ 除咗蟹蓋之外其他都可以掉入煲內至滾熟～另外會配置較剪及蟹醋，蟹醋比較甜，配蟹食一流～

而蟹蓋就會愛嚟做泡飯的調味，先將蟹蓋放在湯底內待～1分鐘，然後拎番起蟹蓋，放入粥底，再將蟹蓋內的蟹膏混進湯底內， 一陣之後再加上蔥花及蛋， 泡飯就完成啦～雖說是泡飯， 但係其實更加似稀身的蟹粥～ 不過可能因為得一個蟹蓋嘅關係，所以蟹味並不算濃，蛋味較重，不過最後我地都一鍋清底，正～

熊本產蜜瓜，好甜呀！！從未食過咁甜既蜜瓜～

最後再食埋個雪糕，豐富嘅一餐就完結啦～ 另外仲有不得不提嘅係，因為防止唔識顧客如何處理海鮮或進食嘅次序，所以一開始嘅時候職員都會協助，大家可以乖乖做吃貨，坐等美食～～

歡迎聯絡試用或出席活動事宜!



Email: michelle02532@gmail.com











More Me:



Facebook



BeautyExchange 



theZthyle



iTrial



she.com



beautylife

Blogspot

ELLE.com

Ublog


WeShare



BeautyExp