歡迎聯絡試用或出席活動事宜!
Email: michelle02532@gmail.com
2016年3月6日星期日
小巷印度美食@ Rang Mahal Authentic Indian Cuisine 傳統印度菜
成日都見到印度咖喱，但係最傳統最正宗既印度菜就一次都未食過…朋友介紹下，知道中環有一間傳統印度菜，心動不如行動，即刻去左尋找美食。
Rang Mahal Authentic Indian Cuisine位於中環皇后大道中118號2樓，因為係小巷內，經過左幾次都唔知，最後見到大道中118流尚舖既牌面先至搵到。
充滿印度風味的裝潢，而且甫進餐廳一刻就聞到印度咖喱味道，店內更一直播放印度歌，印度風情十足。多是外國人進食，餐牌亦以英文為主，侍應亦係印度人，需要以英文溝通。
送上一客胡椒薄餅作餐前小食，另外更附上三種醬汁作調味。胡椒薄餅的黑椒味重，又薄又脆，單吃也可。
點了開胃小食薯蓉咖哩角Samosa[4pcs]($38)，外形像新年的炸角仔，但使用了正宗印度咖喱，所以帶辣。中間的醬汁有點像青瓜味，為薯蓉添加蔬果的鮮味。
黎到又點可以唔食咖喱呢？印式椰汁咖哩跟蝦球Rang Mahal Singature Curries Goan cookedwith prawn ($98)雖然因為怕辣所以先點含有椰汁既咖喱，但原來呢個係甜咖喱。橙橙黃黃，有點像南瓜味。蝦球大大粒，但蝦肉則比較實。
有咖喱，又可以無烤餅 Naan($20)呢？軟軟的烤餅，沾點咖喱吃，一流！
另外還點了洋蔥汁煮嫩羊肉 Lamb Dopiaza ($98)，以Double洋蔥及紅咖喱烹調，以洋蔥圍邊帶辣，羊肉唔羶且嫩口，用作配飯一流！
餸菜辣辣地，當然要叫杯凍飲啦，嘗試了印度的乳酪特飲 Lassi ($38)，芒果味乳酪，酸酸甜甜。不過乳酪較稠身，如果比粗身飲筒會更好吸吮。
對於從未食過道地印度菜的我，呢餐可真算是原汁原味的品嚐過了。不過唯一要講既就係，甫入餐廳時每餐桌都有一支礦泉水，因為友人不太食辣，所以好快就清左支水…然後，埋單時發現，一支礦泉水需付$20！！！OK，下次再食時，我會自備幾支礦泉水~~
More Me:
-
大家知唔知原來大部分美容產品都含有有毒物質，如：毒素，重金屬？長期使用更會將有害物質深入細胞內，導致皮膚變得暗啞、膚色不均和暗瘡粉刺問題。而且我地每日化妝後，落妝都未能完全清潔面部細嫩肌膚，引致皮膚問題。 早前收到Beau Style一種獨特冰蟲草活肌面部療程的邀請。冰蟲草... -
抗疫期間，大家除咗著重防疫產品之外，補健產品更成為另外一大熱用品，實行內外調理！ 早前就收到dotdot產品，等我同大家開箱啦～ dotdot.com產品都有品質檢驗證書同監管品質保證。大家可以安心，放心同信心使用或服用。 今次同大家體驗其中3款產品：德國冰川牛奶，德國膠原EX... -
喺咁多款面膜之中，黑色面膜畀人一種神秘、潔淨能力強、 同埋敷完之後會由黑轉白嘅感覺！早前我都試咗一款黑色面膜， 就係JaneClare嘅西柚籽極緻抗敏保濕面膜～ JaneClare西柚籽極緻抗敏保濕面膜(HKD 198)， 一盒4片，每片有25ml 精華。