將胃口放緩 進食的享受@Otto Restaurant

早前跟友人正在討論法國之旅，法國之旅我就没份，法國餐倒是有得吃！到Otto Restaurant進食法國餐，進食的享受。

Otto Restaurant位於銅鑼灣駱克道487-489號駱克駅16-17樓，於銅鑼灣站C出口過對面馬路就到，兩分鐘都唔使！

係樓下時已發現駱古駅內的餐廳大多以兩層為主，Otto Restaurant 亦不外乎如此。甫出升降機門已見到右手邊的樓梯。

樓下設有十二座的房間，可供小型聚會。樓上的座位則較寬敞，雖少卻可悠閒地享受法國餐。

點了一個Dinner Set，包括餐前小食，湯，前菜，主菜及甜品，價錢則視乎你所點的主菜價錢。

餐前小食前再加餐前前小食，牛角包及黑松露牛油，黑松露牛油入口即溶，口腔內則散發濃濃的黑松露香。

餐前小食點了精選生蠔壹隻。生蠔有手掌心大，比想像中較淡的海水味，更能食出其鮮味。

餐湯則點了黑松露鮮蠔野菌湯，建議食法為先飲兩口湯再食廣島蠔，因為浸得太耐蠔會無左鮮味。濃濃的黑松露再次在口中回蕩，再加上碎碎的菌粒，令整個湯再添鮮味！

前菜有龍蝦海鮮酥盒 ，內含龍蝦，海鮮與沙津汁的混合，酥皮即使被浸泡亦没有軟身，而且非常脆口。

另外，還有青檸雪芭，配上士多啤梨，青蘋果及乳酪作配塔。青檸雪芭比過往食到的較酸，可以清清胃口及味蕾。另外，發覺若將雪芭加上乳酪一口吃，可將雪芭的酸度減低。

終於到主菜了，點了7成熟的西班牙黑毛豬。其實菜單上有注明建議5至7成熟，我不太能吃生，所以點了7成。幸好，並没有出現血淋淋的場面！反而燒煮程度剛好，肉質鮮嫩，唔老又唔實。配上黑松露燒汁或海鹽更是將黑毛豬的豬味帶出。而附設的薯蓉則有點蕃茄及奶油的味道，幾特別！

完美既一餐當然需要甜品作總結！有藍莓芝士蛋糕，紅桑子慕絲蛋糕，茉莉花蛋糕，芝士蛋糕及蘋果酥。真係望到都興奮！紅桑子慕絲蛋糕，心形的外表，中間的饀料是紅桑子醬流心，酸酸甜甜的。 不過實在之前食得太飽，所以我只集中於紅桑子慕絲蛋糕，其他的交比其他人處理啦~
服務，環境或食物方面，都没什麼問題。只是若果需要速食或肚子餓，並不建議在此進食。這裏就是要慢慢浸没於食物中，將胃口放緩，法國餐的生活享受！

歡迎聯絡試用或出席活動事宜!

Email: michelle02532@gmail.com

More Me:

Facebook

BeautyExchange 

theZthyle

iTrial

she.com

beautylife

Blogspot

ELLE.com

Ublog

WeShare