2017年3月15日星期三

一嘗甜品畫@ATUM Desserant

終於嘗試咗早前好流行嘅甜品畫啦,甜品畫並唔係度度都有得食,而且每間嘅主題都有所不同,今次就去咗銅鑼灣嘅ATUM Desserant
ATUM Desserant 位於銅鑼灣駱克道459-461號The L. Square 16樓, 甜品畫每次嘅配搭隨著季節嘅改變而有所不同,今次選擇了 IMPROVISATION
喺食甜品畫之前附上特色嘅番石榴飲品,用試管去盛載飲品,好得意~
一直以為盛載甜品畫嘅係一塊石板,但原來係喺雲石枱上鋪上一塊膠墊。而且有得選擇膠墊嘅顏色,我哋揀咗灰色,因為冇咁實色之餘,而且可以透露雲石枱嘅花紋。
首先喺膠墊上多種果醬:朱古力,椰子,芋頭,及車厘子,芒果糖粉~
擺上不同風乾菠蘿粒及紅苺粒,再配上朱古力脆片,朱古力布甸,焦糖脆脆,綠茶 moggi,芋頭及紫薯奶凍,柑桔啫喱及紅豆Cream。 雖然為多種類型嘅甜品mix and match~但係並唔會有甜膩既感覺~
重點戲嚟喇!!就係分子料理雪糕!最鍾意望住佢加左液化氮之後,散發出嚟冰涼嘅氣體~~
雪梨雪芭及竹炭朱古力雪糕完成啦~ 一黑一白再加上紅色嘅棉花糖~ 放入口時有一塊石頭狀嘅物體融化成雪糕,口感好得意!
當食完甜品之後點咗一壼花茶:Signature Fruit Tea ($56), 預先將士多啤梨浸於普洱茶,然後 飲用時再將士多啤梨乾果與花茶一起蒸餾。花茶並唔會太甜,而且食完甜品後飲用,有種解甜嘅感覺~

歡迎聯絡試用或出席活動事宜!
Email: michelle02532@gmail.com
More Me:
BeautyExp

急救痘痘@INFYNYTI草本抗痘低敏修復液

 【臉部護理】 終於可以除口罩見人啦,不過同時間我啲暗瘡都要見人啦…早前我就試用咗INFYNYTI草本抗痘低敏修復液,用佢急救真係好有效!