歡迎聯絡試用或出席活動事宜!Email: michelle02532@gmail.com
More Me:
2016年1月24日星期日
"泰"滿足@泰園
朋友曾推介泰園，不過可惜一直未有空去品嚐。近期，佢係灣仔新開了分店，終於有機會去品嘗啦~
從港鐵灣仔站A3出口，步行約8分鐘，都幾易搵。
甫進食店，就係冰冷海鮮區。坐位寬闊，可以輕鬆享受進食。
未點菜，先上茶-泰式香矛茶，等同中國涼茶，具驅風及消濟之作用，不過要注意，懷孕媽媽及低血糖人仕唔飲得！淡淡香矛味，因為幾鍾意香矛茶既味道，所以貪了幾杯。
前菜先點了三色拼盤($148)，包括蝦餅，魚餅及春卷各兩件。春卷最好味，香脆可口。而魚餅稍為較重香矛味，蓋過了原有味道。
半打新鮮生蠔($128)，超級推介！肉積肥厚，海水味同蠔味層次感重，入口會先嘗到其海水味，然後蠔味隨之而起。
因為怕辣，所以點了泰式海鮮清湯($98/小,$188/大)，要了一個小的，足夠2-3人份量。滿滿的海鮮及西芹，陣陣西芹味，幾開胃。之後先知原來可以選擇辣度，下次會嘗試下飲其他湯。
泰國特製豬手($148)，因為實在難將豬手與泰國菜混為一談，所以被其名字吸引而點的菜式。賣相與台灣滷水豬手看似差不多，但原來製造過程繁複先先炸香再炇至軟身，豬手及香料相互混和，單食或配白飯一流。
全餐至愛可算係香茅炸盲鰽魚($208)，不過因為盲鰽魚售罄，所以轉左烏頭。將香茅從魚嘴貫穿至魚身，炸至金黃香脆，將魚肉起骨及切件。烏頭魚肉較實且多細骨，但煮炸程度剛好，即使細骨亦炸到脆卜卜，可吞嚥下去。而魚肉則仍保留魚香及香茅味，香味四溢。
食左咁多，當然要飲野啦，同友人各點了沙冰系列的香甜芒果沙冰($48)及熱情菠蘿沙冰($48)，一飲就覺驚喜，因為完全飲得出係100%鮮柞生果，絕無添加糖水！
又點少得飯後甜品呢？我地點了千層糕與椰汁西米糕，熱與冷的配搭。熱熱的千層糕除了椰汁更混合了斑蘭，斑蘭香與椰汁香好夾，Q軟程度剛好。而椰汁西米糕的甜度亦相當好，不會太甜太膩。美滿的完結，食得好滿足呀~
-
大家知唔知原來大部分美容產品都含有有毒物質，如：毒素，重金屬？長期使用更會將有害物質深入細胞內，導致皮膚變得暗啞、膚色不均和暗瘡粉刺問題。而且我地每日化妝後，落妝都未能完全清潔面部細嫩肌膚，引致皮膚問題。 早前收到Beau Style一種獨特冰蟲草活肌面部療程的邀請。冰蟲草... -
抗疫期間，大家除咗著重防疫產品之外，補健產品更成為另外一大熱用品，實行內外調理！ 早前就收到dotdot產品，等我同大家開箱啦～ dotdot.com產品都有品質檢驗證書同監管品質保證。大家可以安心，放心同信心使用或服用。 今次同大家體驗其中3款產品：德國冰川牛奶，德國膠原EX... -
喺咁多款面膜之中，黑色面膜畀人一種神秘、潔淨能力強、 同埋敷完之後會由黑轉白嘅感覺！早前我都試咗一款黑色面膜， 就係JaneClare嘅西柚籽極緻抗敏保濕面膜～ JaneClare西柚籽極緻抗敏保濕面膜(HKD 198)， 一盒4片，每片有25ml 精華。