歡迎聯絡試用或出席活動事宜!
Email: michelle02532@gmail.com
2015年11月18日星期三
超級足料靚煲@靚煲皇小菜坊
打邊爐，為秋冬展開序幕！早前同朋友到旺角行街，旺角放題食得多，今次我地想打邊爐，所以挑選了靚煲皇小菜坊作晚餐之選。
由港鐵旺角站出，經朗豪坊H&M走方向，一路直走至天橋轉左就到。基本上平時唔會行到個度，所以都幾難搵。
位置唔算多，可以選擇室內或室外，不過好快滿座。最得意係設有USB插座比你叉電，仲有個箱係枱底比你擺隨身物品，貼心服務。
未點菜，就先上配料及小食。配料無咩特別，不過小食就超級推介-辣椒豬皮凍，辣得好過瘾，豬皮凍又涼涼的，冰火二重感受，點菜前就已經清底。
黎到靚煲皇又點可以唔試下靚煲皇呢(大:$248/細:$168)？靚煲皇內含扇貝，脆肉瓜，白蘿蔔，粟米及豬骨，超級足料！等既時候就已經傳出陣陣香味，扇貝亦鮮甜留香，值得一試。
有個靚煲，當然都要有靚菜啦！點了龍躉($108),每片薄切得通透，魚肉又滑身。有幾片食既時候連絲，比較難斷開，不過亦不減其魚鮮。
搖柱碧肉餃($68)，比佢個名吸引而點，但有點失望，同普通菜肉餃無咩分別，唔發覺有搖柱，而且餃皮好厚，無咩特別。
手打蝦拼墨丸($88)，蝦丸比墨魚丸好食，真係有蝦味及滑身，墨魚丸都滑，不過就無墨魚丸味。
真係每餐都不能離開既肉，極上黑豚腩肉($88)，原本未烚之前以為咁多脂肪會有好多油，點之又唔係喎！而且豬肉肉質彈牙，價錢上算是合理範圍內。
另外，仲有點羊片($78)，平時好少係街外食羊肉，因為怕其羊膻味，不過今次係無任何調味下仍然無羊膻味，仲有羊肉香，不錯！
雖然偏僻左D，不過都有好多人食，除左打邊爐仲有小菜可以選擇，而且開至淩晨，係旺角夜左都唔怕無野食啦。
More Me:
-
大家知唔知原來大部分美容產品都含有有毒物質，如：毒素，重金屬？長期使用更會將有害物質深入細胞內，導致皮膚變得暗啞、膚色不均和暗瘡粉刺問題。而且我地每日化妝後，落妝都未能完全清潔面部細嫩肌膚，引致皮膚問題。 早前收到Beau Style一種獨特冰蟲草活肌面部療程的邀請。冰蟲草... -
抗疫期間，大家除咗著重防疫產品之外，補健產品更成為另外一大熱用品，實行內外調理！ 早前就收到dotdot產品，等我同大家開箱啦～ dotdot.com產品都有品質檢驗證書同監管品質保證。大家可以安心，放心同信心使用或服用。 今次同大家體驗其中3款產品：德國冰川牛奶，德國膠原EX... -
喺咁多款面膜之中，黑色面膜畀人一種神秘、潔淨能力強、 同埋敷完之後會由黑轉白嘅感覺！早前我都試咗一款黑色面膜， 就係JaneClare嘅西柚籽極緻抗敏保濕面膜～ JaneClare西柚籽極緻抗敏保濕面膜(HKD 198)， 一盒4片，每片有25ml 精華。