歡迎聯絡試用或出席活動事宜!
Email: michelle02532@gmail.com
2016年9月15日星期四
扮清糕By Twinkle茶餐廳系列@Twinkle Baker Decor
之前同事辭職找時買嘅散水餅特別可愛趣緻，詢問之下原來係Twinkle Baker Decor既扮清糕By Twinkle茶餐廳系列。咁岩今曰出開尖沙咀，所以就走左去買晒所有款試下。
Twinkle Baker Decor位於尖沙咀麼地道63號好時中心2樓282號舖，於港鐵尖東港鐵站P2出口步行約3～5分鐘。
除左扮清糕By Twinkle茶餐廳系列，另外仲有冬甩，糖果發售，全部都好得意，好有特色！
全扮清糕By Twinkle茶餐廳系列暫時總共有8款，難得一場黎到，梗係買晒返屋企慢慢食啦。
好立克杯子蛋糕，有好立克糖同好立克餅係上面，忌廉上亦有好立克粉。不過好立克味較淡，唔太愛吃甜既可以試下。
紅豆冰杯子蛋糕，跟住港式既紅豆冰一樣有飲筒同匙羹，蛋糕上面係係紅豆味忌廉，而蛋糕內亦有紅豆夾心。味道似食豆沙餅多d，不過因爲有糖粒係上面，所以會比較甜。
港式奶茶杯子蛋糕，忌廉連蛋糕都是奶茶味，除了忌廉部份較甜之外，奶茶味偏淡，連男仕都可以接受。
咸檸七杯子蛋糕，蛋糕上的青檸還可以榨出青檸汁，而忌廉上的是鹽粒，蛋糕來亦夾有一塊咸柑桔味的糖果。蛋糕的甜味和酸味亦都品嚐到，可惜尋找不到七喜的存在。
凍檸賓杯子蛋糕，除了檸檬汁外，還有一粒利賓納糖果。因為忌廉上有一粒粒的紫色糖粒，進食時會有咬砂糖的感覺。檸檬片上有甜味，相反利賓納味的忌廉上帶有點酸味。
凍檸茶杯子蛋糕，港式奶茶及凍檸賓的合成品，味道和港式奶茶一樣，多了一點點的酸。忌廉上也是佈滿糖粒，“卡刷卡刷”的吃。
除左飲品之外，仲有港式茶餐廳食品類。奶醬多杯子蛋糕，忌廉上有數粒麵包粒。除了花生醬味忌廉外，另外還淋上煉奶醬。如果跟足真正的奶醬多，蛋糕内有花生粒就更完美了！
菠蘿油杯子蛋糕，外形已經成個菠蘿油咁，夾住大大塊牛油。因為處於室溫下，牛油已經半溶狀態，入口即溶。不過可惜既係，表面既菠蘿包皮無咩味，令整個蛋糕除左牛油外，味道偏淡。
除左外賣之外還有企位堂食，而且還有套餐供應。可惜唔係喺旺區開舖，如果唔係應該會更多人選購。
More Me:
-
又到左死亡 3 月， mid-term test 再加無限 project ，晚晩唔係捱夜就係捱夜，又冇時間敷面膜急救，想唔殘都難 … 面黃不再話下，仲要爆瘡，出油缺水 … 但要保持良好肌膚，無論幾忙都要敷個面膜急救肌膚，之前收到蝸牛生物纖維面膜同蝸牛原液，絕對係急救... -
同朋友喺屯門行完街之後，就去咗附近嘅一間餐廳食嘢！留民料理，個名幾特別，店鋪外仲寫住fusion無國界料理，幾吸引！店內環境有啲似酒吧，店內亦有售賣手工啤及日本清酒。入面仲有部電視播放住店長嘅心路歷程，睇完就會知點解店舖名叫留民料理。 -
近排撥多咗時間喺度睇直播，發覺直播間入面嘅美顏相機功效越嚟越厲害！要美白有美白，要大眼有大眼，要V面有V面！鏡頭下個個都係美女，睇到我都好心動，但假嘅始終唔可以當真… 自問黑底同矇豬眼嘅我想變美白同大眼有難度，但係想要V面就可以挑戰下，所以就去咗Beaustyle體驗整全小...