2016年7月24日星期日

和歌山料理@和歌山WAKAYAMA SUSHI & BAR

話說,尖沙咀美麗華商場有一個專係食野既地方叫食四方,當然要去搵野食啦!中,西,日,泰菜任君選擇。今次食了久違的日本菜,和歌山WAKAYAMA SUSHI & BAR。
和歌山位於尖沙咀彌敦道132號美麗華商場食四方4樓4G號舖,因為店名只呈現日文字及英文字,所以搵左陣。
甫進店內,發現屏風可以移動,移動後可以成為獨立一處,最適合大小聚會。
前菜點了日本蘿蔔芝麻醬沙律,看似普通,但原來採用了日本蘿蔔配上自家製芝麻沙律。由於要花的時間較多,所以餐廳把蘿蔔切成粗條。日本蘿蔔甜且爽口,沾點芝麻沙律便足夠。
刺身 7 點,以梯級式華麗轉身般展示,由底層先食:鯛魚,甜蝦,眼仁柰,三文魚,油甘魚,吞拿魚,帶子。除了吞拿魚,油甘魚,帶子,甜蝦及三文魚為特定外,其餘為飛機貨,即定時採購日本各式各樣的魚類。一次過品嚐7種新鮮且昂貴刺身,正!
海鮮茶碗湯,材料有蝦、貝柱、蜆、白身魚片及白果,更特別地添加了冬菇,使湯有淡淡的菇味。而且可以再添加少許青檸汁,令海鮮味道更上一層樓。而且不要小看它的容量面積,差不多可以添六杯呢!
燒吞拿魚鮫,大件且厚肉,魚鮫表面於慢火下燒至脆口,配上辣椒蘿蔔蓉,蔥花及柚子酸汁,非常開胃。
沙追魚天婦羅,選用日本沙追魚,肉質較滑, 雖然細細條但頗重魚味。因為炸至魚骨也脆軟,可以食用,對於不能吞吐細魚骨的我也可以放心吃用。
蕃茄豬肉配鱈魚片,半熟的蕃茄內有茄子蓉,豬肉碎及特製醬汁。配上脆卜卜的日本鱈魚片一起吃,魚香及豬肉香混和更為特別。因為鱈魚份量較多,單吃也可以。
海老冬陰公冷麵,大大隻的海虎蝦,再配以自家製的彈牙拉麵及冬陰公醬汁。辣辣地,但味道又並不像泰國的冬陰公味道般重,可以一試。
食咁多當然要飲茶消滯下,點左茉莉花茶($48),一壺飲完可以再添。但個人覺得茉莉花茶稍為較淡,需要長時間浸泡才可以散發出茉莉花茶的香味。


歡迎聯絡試用或出席活動事宜!
Email: michelle02532@gmail.com
More Me:
BeautyExp

急救痘痘@INFYNYTI草本抗痘低敏修復液

 【臉部護理】 終於可以除口罩見人啦,不過同時間我啲暗瘡都要見人啦…早前我就試用咗INFYNYTI草本抗痘低敏修復液,用佢急救真係好有效!