西餐大排檔，一個西式與中式既混合名稱，一下子就吸引左我地既注意力。為左解決我地既好奇心，我同朋友相約左放工後去覓食。
西餐大排檔位於銅鑼灣渣甸街50號渣甸中心7樓 ，剛新開，因為是樓上食店，需要花點時間尋找。門前的霓虹燈招牌閃呀閃，餐廳設計簡潔舒適，位置不多。
頭盤點了迷你海鮮拼盤($528)，包括有生蠔4隻、鮑魚2隻、日本刺身帶子2隻、鮮蝦8隻及紐西蘭蟶子刺身，迷你卻非常豐富！生蠔鮮甜，海水味十足！帶子刺身配合獨特蜜糖麵豉汁，連一向不喜歡添油加醋既我都浸多幾下！鮮蝦蝦肉更係飽滿十足，因為友人不吃蝦關係，我更食左好幾隻~~
湯類點了黑毛豬海鮮肉骨茶($88)，減淡了原有的藥味，味道有點像台灣喝的藥燉排骨，就連不能接受傳統肉骨茶藥味的也可以點吃哦！除了減淡藥味外，配料更係非常足料，有大蝦，鮑魚，黑毛豬！
松露煮日本年糕($98)，年糕薄切，配上松露、牛油及忌廉調製的醬汁，香濃滑身，不會有油膩感，多吃幾口也不成問題~
懷舊勁秋大蝦多士($168)，見到大大既蝦頭已經開始期待入口既滋味。果然，外脆內軟，香口外脆配上濃郁蝦肉，比起普通多士，呢個真係夠哂勁秋！
燒西班牙正宗黑毛豬肋條肉($168)，特別在於黑毛豬係取於肋骨與肋骨之骨既肉，經過燒烤後，肉汁鎖於肉內，没有油膩感，肉質軟嫩入味。再配合伴碟上的香草菠蘿，一口黑毛豬，一口菠蘿，完美配搭。
其實食黑毛豬配紅酒最好，可惜我唔飲酒。不過點了一杯Mocktail 亞熱帶少年($65)，有點失望，失望在於一d都唔少年，反而有d少女味，甜甜的，而且橙汁與菠蘿汁配搭令味道有點像雜果賓治。
真的被伴碟上的菠蘿吸引，所以連甜品也點了日本原隻菠蘿雪葩($78)，濃濃香甜菠蘿味，入口即溶！建議可先等待幾分鐘，等雪葩軟化點再開動。
究竟西式定中式？我正係知菜式真係無得彈咋~
Email: michelle02532@gmail.com
又到左死亡 3 月， mid-term test 再加無限 project ，晚晩唔係捱夜就係捱夜，又冇時間敷面膜急救，想唔殘都難 … 面黃不再話下，仲要爆瘡，出油缺水 … 但要保持良好肌膚，無論幾忙都要敷個面膜急救肌膚，之前收到蝸牛生物纖維面膜同蝸牛原液，絕對係急救...
近排撥多咗時間喺度睇直播，發覺直播間入面嘅美顏相機功效越嚟越厲害！要美白有美白，要大眼有大眼，要V面有V面！鏡頭下個個都係美女，睇到我都好心動，但假嘅始終唔可以當真… 自問黑底同矇豬眼嘅我想變美白同大眼有難度，但係想要V面就可以挑戰下，所以就去咗Beaustyle體驗整全小...
同朋友喺屯門行完街之後，就去咗附近嘅一間餐廳食嘢！留民料理，個名幾特別，店鋪外仲寫住fusion無國界料理，幾吸引！店內環境有啲似酒吧，店內亦有售賣手工啤及日本清酒。入面仲有部電視播放住店長嘅心路歷程，睇完就會知點解店舖名叫留民料理。