2015年10月27日星期二

韓式燒烤味@韓板燒肉專門店(荃灣)

唔只潮流服飾,美容產品,就連食我都要偏韓流!成日睇韓國節目,見到佢地一班人食燒肉,都會想一齊食…今次我到荃灣既韓板燒肉專門店食韓式燒肉,齊齊燒出韓味。
荃灣韓板燒肉專門店位於荃灣青山公路荃灣段263-275號富裕樓力生廣場地下舖,於港鐵荃灣站,南豐中心出口沿著天橋走,5分鐘路程,交通非常方便。

店內有兩種韓式燒肉吸煙管方式,一種係平常長長的煙通類型,另一種係方便形吸煙器。
除了傳統餐單,店舖更提供平板電腦上的專屬app落單,方便快捷~
餐廳更提供客人多種貼心服務,例如:提供像根圈給各位有需要的女性顧客,提供即棄圍裙及透明袋給各位顧客以避免油煙弄髒衣服或手機。
一開始會在燒肉爐兩旁倒上蛋漿,一邊為普通蛋漿卷,另一邊為芝士玉米蛋漿卷($22),之後可以加錢追加蛋漿卷。普通蛋漿卷($18)就如有點脆口既燉蛋,而芝士玉米蛋漿卷($22)就因為內含玉米粒而比較香口,不過嘗不到芝士味。
食肉獸既我地點了一個豬豬盛盆($298),包括原味豬腩肉,原味梅豚肉,豬排骨及味噌豬頸肉。每樣都大大件,足夠3-4人份量。而且配菜既粟米同冬菇都可以一齊燒,唔好浪費。
另外,點了六味小豬豬(腩肉)($238),另有三味或八味選擇。有8種味道:海鹽,香草,味噌,辛辣,蒜蓉,咖哩,紅酒,人參,因為我地唔食辣,所以唔要辛辣及人參。小豬豬好得意,將一大片腩肉卷起放置膠碟,而且並無指明味道,可以邊吃邊估。其中咖哩及紅酒味道最易猜中,味道全滲透於腩肉內。不過我地個日食既腩肉比較多脂肪,導致影響口感,滿口都係油。
除左肉,我地仲點了人參雞湯($168),雞湯味道有點特別,不同於中式雞湯味道。而且顏色呈現乳白色,內含雞肉及白飯粒,人參味不算太濃,而且另配一碗白飯,可以以湯撈飯。
另外,我地仲點了兩杯特色無酒精飲品,我第一次飲呢類型設計既飲品,唔小心打瀉左,服務員即刻幫我地執拾,真係辛苦了~
店內更長期播放韓文歌曲,好適合崇拜韓風既偽韓們,而且肉量更適合食肉獸們,唔怪得咁多人等位~~

歡迎聯絡試用或出席活動事宜!
Email: michelle02532@gmail.com

More Me:

2次皮膚測試 @ SHISEIDO升級版 ULTIMUNE Power Infusing Concentrate

大家仲記唔記得我之前試用升級版既SHISEIDO ULTIMUNE Power Infusing Concentrate呢?如果有睇我上一篇既皮膚測結果,可以算是不堪入目,全部都唔合格,差到一個點!見到個結果咁差,緊係要返去即刻試用升級版既SHISEIDO ULTIMUNE Po...